सुर्खेत। चन्द्र स्मृति कप – २०८१ को उद्घाटन भएको छ। गुर्भाकोटस्थित सूर्यज्योति मा.वि. मेहेलकुनाको प्रांगणमा शनिवार पुरुष फूटबल तथा साँस्कृतिक उत्सवको उद्घाटन गरिएको हो।
कार्यक्रमको उद्घाटन गर्दै कार्यक्रमका प्रमुख अथिति गुर्भाकोट नगरपालिकाका नगर प्रमुख हस्त पुनले खेलले शारिरीक तन्दुरुस्ती बनाउने मात्र नभई अनुशाषणको विकास समेत गराउने बताए। नयाँ वर्षमा खेल आयोजना गर्ने उद्देश्यले नै आफूले किशोरावस्थामा नै क्लब दर्ता गरि खेल सञ्चालन गर्न सुरु गरेको स्मरण गरे।
कार्यक्रममा गुर्भाकोटका व्यवसायी, राजनीतिकर्मी तिलकबहादुर खत्री र वडा नं. ८ का अध्यक्ष किरण कुमार वि.क.ले मन्तव्य दिएका थिए। कार्यक्रममा उपस्थित अथिति र दर्शकलाई आयोजकका तर्फबाट युवा व्यवसायी सुरेश रोकाले स्वागत गरे।
२१ वटा टिमबीच प्रतिस्पर्धाहुने पुरुष फूटबलको प्रतिस्पर्धा भने भोलीदेखि सुरु हुने आयोजक मेहेलकुना फूटबल क्लबले जनाएको छ।
