सुर्खेत। नेकपा एमाले कर्णाली प्रदेश अधिवेशनबाट गुलाबजङ्ग शाह अध्यक्षमा निर्वाचित भएका छन्। पूर्व प्रदेश सभा सदस्य समेत रहेका सल्यानका शाहले ३ सय ६९ मत प्राप्त गरी निर्वाचित भएका हुन्। उनका प्रतिद्वन्द्वी मिनबहादुर शाहीले २ सय ७ मत प्राप्त गरे। अधिवेशनमा ६ सय १६ प्रतिनिधि भएपनि ६ सय ९ मत मात्र खसेको थियो।
अधिवेशनबाट सचिवमा सुर्खेतका ध्रुवकुमार शाहीले सर्वाधिक लोकप्रिय मत प्राप्त गरि विजय भएका छन्। शाहीले ४ सय ५ मत प्राप्त गरि निर्वाचित हुँदा उनका प्रतिस्पर्धी दैलेखका रुद्र शाहीले १ सय ६९ मत मात्र प्राप्त गरे।
यसैगरी अधिवेशनबाट उपाध्यक्षमा जुम्लाका टेकराज पछाइ, उपसचिवमा दैलेखका रविन्द्रराज शर्मा र कालिकोटका रमेश कुमार शाही निर्वाचित भएका छन्।
तपाईंको प्रतिक्रिया लेख्नुहोस्।
