सुर्खेत। गुर्भाकोट नगरपालिकाले आफ्नै युट्युब च्यानल सञ्चालन गर्ने भएको छ। नगरपालिकाका विभिन्न कार्यक्रम प्रसारण गर्ने गरि गुर्भाकोट नगरपालिकाले आफ्नै युट्युब च्यानल सञ्चालन गर्ने भएको हो।
युट्युब च्यानलमा तत्कालका लागि जनतासँग मेयर कार्यक्रम प्रसारण गर्ने गरि तयारी थालिएको प्रशासकीय अधिकृत चित्र ढकालले जानकारी दिए।
ढकालका अनुसार जनतासँग मेयर कार्यक्रमको उत्पादन र प्रसारणको जिम्मा चिया मिडिया एण्ड टेक्नोलोजीले लिएको छ भने सञ्चार उद्यमी सूर्यदीप रेग्मीले जनतासँग मेयर कार्यक्रम १ वर्ष सम्मका लागि होस्ट गर्नेछन्।
उक्त कार्यक्रममा विषय क्षेत्रका आधारमा गुर्भाकोटका जनताले कार्यक्रममा प्रत्यक्ष सहभागी भएर सार्वजनिक चासो, गुर्भाकोटको विकास प्रगति र आवश्यकताका बारेमा नगर प्रमुख हस्त पुनलाई प्रश्न गर्न सक्ने छन्। जनतासँग मेयर कार्यक्रमका होस्ट रेग्मीका अनुसार पालिका बाहिर रहेका र विदेशमा रहेका पालिकाबासीहरुले भिडियो कल मार्फत नगर प्रमुख हस्त पुनलाई प्रश्न वा जिज्ञासा राख्न सक्नेछन्। कार्यक्रम मासिक रुपमा गुर्भाकोट नगरपालिकाको आफ्नै युट्युब च्यानल मार्फत प्रसारण हुने रेग्मीको भनाई छ।
जनतासँग प्रत्यक्ष जोडिएर काम गर्दा परिणाममुखी हुने विश्वासका साथ जनतासँग मेयर कार्यक्रम सञ्चालन गर्न लागिएको नगर प्रमुख पुनको विश्वास छ। हाल भारत भ्रमणमा रहेका नगर प्रमुख पुनले जनतासँग प्रत्यक्ष जोडिने जनतासँग मेयर कार्यक्रमको आवश्यक तयारी थाल्न भ्रमणमा जानु अगावै प्रमुख प्रशासकीय अधिकृत पूर्णबहादुर खत्री र प्रशासकीय अधिकृत चित्रबहादुर ढकाललाई निर्देशन दिइसकेका छन्।
यहाँ क्लिक गरि गुर्भाकोट नगरपालिकाको युट्युब च्यानल सब्सक्राइब गर्नुहोस्।
https://www.youtube.com/channel/UCNfzbQG1LlB7dxsv0J5rZ7A
