काठमाण्डौं। नेपाली काँग्रेसको १४ औं महाधिवेशन अन्तर्गत भएको उपसभापति पद तर्फको मतगणनामा उपाध्यक्ष पदका प्रत्यासीहरुबीच कडा प्रतिस्पर्धा देखिएको छ। उपसभापति पदका लागि धनराज गुरुङ, पूर्ण बहादुर खड्का, डा. चन्द्र भण्डारी र विजय गच्छदारबीच कडा टक्कर देखिएको हो।
हालसम्म १५०० मतपत्र गन्दा धनराज गुरुङले ५८८ मत प्राप्त गरी अग्रस्थान लिएका छन्। पूर्णबहादुर खड्काले ५४४ मत, चन्द्र भण्डारीले ५०१ मत र विजयकुमार गच्छदारले ५०० मत प्राप्त गरेका छन्।
उपसभापतिको दौडमा शेरबहादुर देउवाको प्यानलबाट गच्छदार र खड्का, शेखर कोइराला समूहबाट भण्डारी र गुरुङ रहेका छन्।
तपाईंको प्रतिक्रिया लेख्नुहोस्।
